Rreth nesh

Cognyss - Excellence Training Centre është qendra e parë e kurseve në Kosovë e specializuar në teste e kurse të standardizuara, olimpiada kombëtare e ndërkombëtare dhe këshillim në karrierë. Programi i qendrës Cognyss është përpiluar sipas modeleve të qendrave të ngjashme elitare në ShBA për të tërhequr nxënësit më të talentuar, me prespektivë në shkencë,  teknologji,  inxhinieri dhe matematikë që kanë synim t'i vijojnë studimet universitare në universitetet elitare të botës.
‍
Cognyss do të jetë një mundësi unike për nxënësit e talentuar që të përgatiten dhe t’i nxënë njohuritë e duhura për t'i vazhduar studimet universitare në STEM; t’i zhvillojnë shprehitë e të studiuarit dhe të menduarit kritik; t’i përvetësojnë e t’i zbatojnë metodat e kërkimeve bashkëkohore për t’i zgjidhur problemet praktike e bashkëkohore të shekullit XXI.
‍
Stafi ynë akademik përbëhet nga profesionistë e shkencëtarë me përvojë në mësimdhënie, këshillim në karrierë e aktivitete mësimore e shkencore.
‍
Ne synojmë, së bashku me partnerë vendorë e ndërkombëtarë, t'i ndihmojmë talentet që të bëhen liderë duke i vazhduar studimet universitare në universitetet më cilësore të botës, në mënyrë që të kthehen në qytetarë modelë dhe aktivë në procese që ndikojnë në dobi të shoqërisë.